News

გუნდური მუშაობის ტრენინგის სარგებელი

0 Comments

საუკეთესო გუნდი არის ენერგიული და პროდუქტიული, ასეთი გუნდის წევრები ერთმანეთს კარგად უგებენ და შეთანხმებულად მუშაობენ. თუმცა ამის მიღწევა საკმაოდ რთულია და დროს მოითხოვს – ნებისმიერი გუნდი გადის ფორმირების გარკვეულ ეტაპებს.

უფრო და უფრო მეტი კომპანია მიმართავს გუნდური მუშაობის ტრენინგებს საკუთარი თანამშრომლების მოტივაციის ასამაღლებლად. გუნდური მუშაობის ტრენინგზე მონაწილეები ეცნობიან გუნდური მუშაობის პრინციპებსა და მეთოდებს საინტერესო და სახალისო აქტივობებისა და თამაშების საშუალებით, რის შედეგადაც ერთმანეთის გაცნობას ახერხებენ განსხვავებული კუთხით.

გუნდური მუშაობის ტრენინგს მრავალი სარგებლის მოტანა შეუძლია თქვენი კომპანიისა და  თანამშრომლებისათვის, წარმოგიდგენთ რამდენიმე მათგანს:

  1. სოციალიზაცია, კონტაქტების დამყარება, ერთმანეთის უკეთ გაცნობა

სოციალიზაცია და სამუშაო ადგილზე მეგობრების შეძენა არის ერთ-ერთი საუკეთესო გზა პროდუქტიულობის გასაზრდელად. ამის შედეგად არა მხოლოდ შიდა ორგანიზაციული კულტურა უმჯობესდება, არამედ უფრო მარტივადაც ხდება პრობლემების გადაჭრა.

  1. გუნდური მუშაობისა და გუნდური სამუშაოს შესრულების გაუმჯობესება

გუნდური მუშაობის ტრენინგზე გამოყენებული სავარჯიშოების შედეგად თანამშრომლები უკეთესად ეცნობიან ერთმანეთის ძლიერ და სუსტ მხარეებს, მათ ინტერესებსა და სურვილებს, რის შედეგადაც მომავალში ერთად უკეთესად და შეთანხმებულად მუშაობენ.

  1. კონკურენცია და შეჯიბრი

პროდუქტიულობის გაზრდის ერთ-ერთი საუკეთესო გზა კონკურენციაა. გუნდური მუშაობის ტრენინგზე კი კონკურენციას მიეცემა მხიარული და გასართობი სახე და მონაწილეებიც „შეუძლებელს“ გააკეთებენ.

  1. გუნდური სულისკვეთება, გართობა, ზეიმი და მოტივაცია

ნებისმიერ სპორტის სახეობაში გამარჯვებული გუნდი დიდ დღესასწაულს აწყობს და აღნიშნავს მოგებას სხვადასხვა მხიარული მეთოდებით, რაც მათ კიდევ უფრო მეტი გამარჯვებისაკენ უბიძგებს. ეს ექსტრემალური მეთოდი გვიჩვენებს, რომ მილოცვას, აღნიშვნას, ზეიმს და გართობას, რომელიც თან ახლავს გუნდური მუშაობის ტრენინგს, შეუძლია თანამშრომელთა მოტივაციის ამაღლება.

  1. თანამშრომლობა, ინოვაციისა და კრეატიულობის ხელშეწყობა

ადამიანების კრეატიულობა უმჯობესდება, როდესაც მათ გარშემო არიან ისინი, ვისთანაც თავს კომფორტულად გრძნობენ.  ასე რომ გუნდური მუშაობის ტრენინგის საშუალებით, მონაწილეები არა მხოლოდ უკეთესად გაიცნობენ ერთმანეთს, არამედ უფრო წარმატებულ და კრეატიულ სამუშაო ადგილს შექმნიან. ყოველდღიური შეთანხმებული და ინოვაციებზე დაფუძნებული მუშაობა ხომ წარმატებული ბიზნესის გასაღებია.

  1. კომუნიკაციისა და ერთად მუშაობის გაუმჯობესება

გასაკვირი არ არის, რომ თანამშრომელთა შორის კომუნიკაციის გაუმჯობესება ერთ-ერთი მიზანია, რის გამოც მიმართავენ კომპანიები გუნდური მუშაობის ტრენინგს. ყველას სურს მეგობრული სამუშაო ატმოსფერო, სადაც თავს კომფორტულად და ბედნიერად გრძნობენ ერთმანეთთან კომუნიკაციისა და მუშაობის დროს.

8 რჩევა პროდუქტიული გაყიდვების ზარებისათვის

0 Comments

გაყიდვები არის ციფრების თამაში. რაც უფრო მეტ პოტენციურ მომხმარებელთან დაამყარებთ კონტაქტს, მით მეტს გაყიდით. მაგრამ ეს ფაქტი არ გულისხმობს რაოდენობის ხარჯზე ხარისხზე ყურადღების არ გამახვილებას. გამოიყენეთ რამდენიმე საბაზისო სტრატეგია და შეძლებთ, რომ თქვენი ყველა გაყიდვების ზარი იყოს მნიშვნელოვანი.

  1. მიიქციეთ მომხმარებელთა ყურადღება 15 წამში

ზუსტად ეს არის ის ხანგრძლივობა, რის მიხედვითაც მომხმარებელი გადაწყვეტს, სთავაზობთ მათ რაიმე საინტერესოს, თუ მორიგი მოსაბეზრებელი ზარია და შეწყვეტს თქვენს მოსმენას.

  1. აღაფრთოვანეთ

დარწმუნდით, რომ გაქვთ ფანტასტიური პროდუქტი/მომსახურება, რომლის მეშვეობითაც მომხმარებელი ცხოვრებას გაიუმჯობესებს. თქვენ მათ დიდ საჩუქარს უკეთებთ თქვენი პროდუქტის/მომსახურების გაცნობით. ამავე დროს დარწმუნდით, რომ ენერგიული და ენთუზიაზმით აღსავსეა თქვენი ხმა.

  1. გამოიყენეთ სარკის ეფექტი

ადამიანები განსაკუთრებით კომფორტულად გრძნობენ თავს თავიანთ მსგავსთან. ეცადეთ, მაქსიმალურად მიამსგავსოთ თქვენი ხმა მათ ხმას, სიჩქარეს, ტონს, სიმაღლეს (ისე, რომ არ დაემსგავსოს კარიკატურას).

  1. გამოიყენეთ მათი საყვარელი სიტყვები

კვლევები აჩვენებს, რომ ადამიანის საყვარელი სიტყვა მისივე სახელია. როგორც კი მომხმარებელი გეტყვით თავის სახელს, ჩაიწერეთ ფურცელზე და გამოიყენეთ მინიმუმ სამჯერ ზარის განმავლობაში.

  1. არ მიიღოთ „არა“ პასუხად

ბევრი მომხმარებელი წინასწარვე ამბობს „არ მაინტერესებს“, „დაკავებული ვარ“ ისე, რომ არც კი ისმენს შეთავაზებას. ყურმილის დაკიდების მაგივრად, ეცადეთ დაუსვათ ღია შეკითხვები საუბრის გასაგრძელებლად.

  1. გამოხატეთ ემოციები

პროდუქტს ყიდის სარგებელი, რადგან ისინი იწვევენ ემოციებს: ბედნიერების შეგრძნება, რომ გვაქვს აღნიშნული პროდუქტი და პირიქით. მაგალითების მოყვანა არის საკმაოდ ეფექტური მეთოდი, მოაწონოთ შეთავაზებული პროდუქტი/მომსახურება მომხმარებელს.

  1. შესთავაზეთ ღირებულება

შესთავაზეთ დამატებითი ღირებულება იმის მიუხედავად, შეიძენს მომხმარებელი თქვენს პროდუქტს/მომსახურებას თუ არა. ეს შეიძლება იყოს საცდელი ნიმუში ან უფასო დროებითი ვერსია. ხშირად ეს ქმედება უჩენს მომხმარებელს განცდას, რომ „თქვენი მართებს“.

  1. დაასრულეთ ყველა შეთავაზება

თუ მომხმარებელი ვერ გესაუბრებათ, დააზუსტეთ მისთვის მისაღები დრო ზარის განსახორციელებლად. ხოლო თუ შეუძლია საუბარი, ჰკითხეთ, როდის მოახერხებს შეხვედრას სრული პრეზენტაციის გასაცნობად. დაასრულეთ ყველა ზარი იმის მიუხედავად, მომხმარებელი დაინტერესებული ჩანს თუ არა. შეთავაზების განხორციელებით თქვენ არაფერს კარგავთ, მოგება კი ბევრის შეგიძლიათ.

 

წყარო: www.nasp.com

დროის მართვის ტექნიკა

0 Comments
დროის მართვის ტექნიკა

„დრო არ მაქვს!“, „ვერ მოვასწარი!“, „არ მეცალა!“ … – ეს ჩამოთვლილი წინადადებები, ალბათ, თქვენთვის საკმაოდ ნაცნობია. თუმცა ამავე დროს ხომ იცნობთ ადამიანებს, რომლებიც თითოეულ ჩვენგანზე ორჯერ და სამჯერ მეტს ასწრებენ დღის განმავლობაში? რის ხარჯზე? – თავიანთ დღეს გეგმავენ დაწვრილებით და ფოკუსირებულები არიან სამუშაოს შესრულებაზე.

ყველა ჩვენგანს აქვს განსაზღვრული დრო – 24 საათი დღეში. „პომიდორის ტექნიკა“ კი დაგეხმარებათ, ამ დროის განმავლობაში უფრო მეტად იყოთ ფოკუსირებული თქვენს შესასრულებელ სამუშაოზე.

რაც ყველაზე კარგია, ეს ტექნიკა საკმაოდ მარტივია – თქვენ დაგჭირდებათ მხოლოდ ტაიმერი და არანაირი სპეციალური აპლიკაცია, წიგნი თუ ინსტრუმენტი. თუ თქვენი სამუშაო საკმაოდ დატვირთულია და შედგება სხვადასხვა ნაწილებისაგან, ისინი უბრალოდ დაყავით და შეუდექით 5 ნაბიჯისაგან შემდგარი ტექნიკის გამოყენებას:

  1.     აირჩიეთ საკითხი, რომლის შესრულებაც გსურთ;
  2.     დააყენეთ წამზომი 25 წუთზე;
  3.     იმუშავეთ საკითხზე, სანამ წამზომი არ დარეკავს;
  4.     მოიწყვეთ პატარა შესვენება (5 წუთი სრულიად მისაღებია, ადექით კომპიუტერიდან);
  5.     ყოველი 4 „პომიდორის“ შემდეგ დაისვენეთ უფრო ხანგრძლივად (15-30 წუთი).

გახსოვდეთ, ეს ტექნიკა შეუმჩნეველია და რაც მთავარია, ყოველი შემდეგი უფრო წარმატებული იქნება. შესასრულებელი სამუშაოების ჩამონათვალში კი ყოველთვის მონიშნეთ უკვე გაკეთებული საქმე, რაც დიდ სიამოვნებასა და კმაყოფილებას მოგანიჭებთ.

ასევე გარდა მობილურისა თუ კომპიუტერის ტაიმერის გამოყენებისა, „პომიდორის“ პრინციპით მუშაობისათვის შეგიძლიათ ისარგებლოთ შემდეგი საიტით – https://tomato-timer.com/.

გისურვებთ წარმატებულ „პომიდორს“!