ეფექტური მომსახურება

ეფექტური მომსახურება

დაგისვამთ თუ არა საკუთარი თავისთვის შემდეგი კითხვა: არის თუ არა კლიენტი ყოველთვის კმაყოფილი ჩვენი მომსახურებით? და რას ფიქრობთ – კლიენტი ყოველთვის მართალია? ყოველ ჩვენგანს ყოველდღიურად უწევს მომხმარებლებთან ურთიერთობა და დარწმუნებული არც ვართ, ჩვენი მომსახურების შემდეგ გაუჩნდათ თუ არა სურვილი, კვლავ ჩვენთან დაბრუნების. ამ ტრენინგ კურსის გავლის შემდეგ დარწმუნდებით, თუ რატომ არის მნიშვნელოვანი, რომ კლიენტი მუდამ კმაყოფილი იყოს  ჩვენი მომსახურებით და რა სარგებლობა მოაქვს სტრატეგიას – კლიენტი ყოველთვის მართალია.

დღეს წარმატებულია ბიზნესი, რომელსაც მრავალი კმაყოფილი კლიენტი ჰყავს. შესაბამისად, ბიზნესის გაზრდა თუ გაკოტრება პირდაპირ არის დამოკიდებული მომხმარებელზე. თვითონ მომხმარებელი კარნახობს ნებისმიერ კომპანიას თავის მოთხოვნებს – ეს კი, პროდუქციის ხარისხსა და ფასთან ერთად შესაბამის მომსახურებასაც გულისხმობს. შესაბამისად, მომსახურებასთან დაკავშირებული უნარ-ჩვევების განვითარება წარმატების ყველაზე დიდი შანსია!

კვლევების მიხედვით ადამიანები უყვებიან ერთმანეთს მიღებული მომსახურების შესახებ, თუკი ის განსაკუთრებული და არაჩვეულებრივია, ხოლო უკმაყოფილო მომხმარებლები კი 3-4-ჯერ მეტი რაოდენობის ადამიანებში ავრცელებენ ინფორმაციას.

შეიძლება კომპანიას საუკეთესო პროდუქცია გააჩნდეს, მაგრამ თუ მისი თანამშრომლები ვერ შეძლებენ მის გამდიდრებას კარგი მომსახურებით, ცოტა ვინმე თუ შეამჩნევს ამ პროდუქციის უპირატესობას სხვა კონკურენტ კომპანიებთან შედარებით. მრავალი ბიზნესი ხვდება თუ რამდენად დიდი მნიშვნელობა აქვს კლიენტების ეფექტურ მომსახურებას კომპანიის წარმატებისა და კონკურენტუნარიანობის შენარჩუნებისთვის.

მომხმარებელთა მომსახურების ტრენინგის ბენეფიტები:

  • შევიძინოთ და გავზარდოთ ლოიალურ მომხმარებელთა რაოდენობა;
  • ეფექტური მომსახურება გამოიწვევს გაყიდვების მაჩვენებელის ზრდას;
  • მომხმარებლები გაავრცელებენ თქვენზე დადებით ზეპირ რეკომენდაციას;
  • თანამშრომლები ნაკლებად სტრესულად იგრძნობენ თავს;
  • მომხმარებელთა მომსახურების გაუმჯობესება ზრდის კომპანიის შემოსავლებს;
  • და სხვა მრავალი.

ტრენინგის გავლის შემდეგ მონაწილეები შეძლებენ:

მომხმარებელთა საჭიროების სწორად გაანალიზებას, შესაბამისი პროდუქტის შეთავაზებას და დაძაბულობის გარეშე ეფექტურად მომსახურებას.

თუ ჩვენ არ ვიზრუნებთ ჩვენს მომხმარებელზე, მასზე იზრუნებს ვიღაც სხვა !

ტრენინგზე განხილული საკითხები

  • მომსახურების მენეჯმენტი
  • მომსახურების სარგებელი კომპანიისთვის, თანამშრომლისა და მომხმარებელისათვის
  • მომსახურების ეტაპები
  • ნდობის მოპოვება და ურთიერთობის მართვა
  • მომხმარებელთა ტიპები
  • სწორი შეკითხვების ტექნიკა
  • აქტიური მოსმენა
  • ნეგატიური ინფორმაციის მიწოდება
  • პოზიტიური საუბარი
  • სატელეფონო კომუნიკაცია
  • მომსახურების სტანდარტები
  • შეფერხების მართვა
  • გადამისამართება
  • პრობლემური სიტუაციების მართვა
  • დარწმუნების მეთოდები

ტრენინგის გავლის შემდეგ მონაწილეები შეძლებენ:

  • გამიჯნონ ერთმანეთისაგან სერვისი და სერვის პლიუსი
  • ადამიანებთან კეთილგანწყობილი ურთიერთობის დამყარებას
  • მოსაუბრეთა გულისყურით მოსმენას
  • მომხმარებლის ტიპების ერთმანეთისაგან გარჩევას და  მათთან სათანადო ურთიერთობის დამყარებას
  • სატელეფონო კომუნიკაციის ეფექტურად დაამყარებას
  • ადამიანების ეფექტურად დარწმუნებას

 

სწავლების მეთოდები – ტრენინგი არის თანამედროვე მეთოდოლოგიით აგებული, პრაქტიკული და გამდირებული ინტერაქციული მეთოდებით. ტრენინგზე გამოყენებული იქნება:

  • ბრეინშტორმინგი
  • სიმულაციური თამაშები
  • პრაქტიკული სავარჯიშოები
  • დებატები

ტრენინგის დასრულების შემდეგ სერტიფიკატი გადაეცემა ყველა მონაწილეს.

ნინო ქიტიაშვილი

ნინო არის განათლებით ეკონომისტი, დამთავრებული აქვს ივ. ჯავახიშვილის სახელობის თბილისის სახელმწიფო უნივერსიტეტი, ეკონომიკისა და ბიზნესის ფაკულტეტი, ბაკალავრიატი – საერთაშორისო ეკონომიკური ურთიერთობების, ხოლო მაგისტრატურა – მაკროეკონომიკის სპეციალობით.

ნინო სხვადასხვა დროს მუშაობდა საქართველოს ახალგაზრდა ეკონომისტთა ასოციაციაში, როგორც პროექტის კოორდინატორი, ადამიანური რესურსების მართვის მენეჯერი და ტრენერი; სადაზღვევო კომპანია „ალდაგში“ როგორც ტრენინგებისა და განვითარების სპეციალისტი, შემდეგ უკვე გადავიდა ტრენინგებისა და განვითარების მენეჯერის პოზიციაზე; თეგეტა მოტორსში – ტრენინგ ცენტრის კოორდინატორად, თეგეტა აკადემიაში – ტრენინგებისა და კარიერული განვითარების მენეჯერად.

ნინოს ჩატარებული აქვს 500-ზე მეტი ტრენინგი სხვადასხვა კომპანიის თანამშრომლებისათვის როგორც პროფესიული, ასევე ბიზნეს მიმართულებით. ნინო არის Georgian Progress Group-ის თანადამფუძნებელი და ტრენინგ ცენტრის უფროსი.